📍黃金燒味 (灣仔)
灣仔軒尼詩道68號新禧大樓地下B號舖
.
話說同朋友去開灣仔睇舞台劇，就係附近揾野食，去左呢間食燒味既餐廳。一坐低就有前菜食，涼拌青瓜，正😁我地叫左個二人套餐($208)，份量超豐富🤩真係嚇一跳😂
.
🐷🦆乳豬拼燒鵝 +$12 (4.5/5)
想一次過試兩款燒味，所以就加錢轉雙拼，乳豬啖啖肉，皮又脆，肉唔韌👍🏻至於燒鵝味道都好出色，鵝味香濃但唔膩，鵝皮香脆、脂肪好少，厚肉又嫩滑，點少少酸梅更好味😚
.
🐟拍蒜豉汁蒸倉魚
最欣賞條魚💕蒸得好滑好滑😋配埋蒜頭豉汁超惹味🤤最重要係新鮮同食落完全冇腥味👍🏻私心推薦😎
.
🍲老火湯及白飯
超大碗老火湯，青紅蘿蔔瘦肉湯，入面好足料，仲好清甜，夠哂滋潤，完全係住家湯既感覺🥰二人套餐多野食到咁，所以我叫佢俾一碗白飯我地share就夠，兩碗肯定食唔哂🤣
.
🥒涼拌滷水拼盤
白雲鳳爪配青瓜，鳳爪都有好多隻，都夠淋。青瓜清香爽甜，好開胃🤩
.
🥬骨湯浸時蔬
食左咁多肉，有個菜食平衡下😊菜心清甜，唔點蠔油都好好食😆
.
檸蜜 +$2
檸檬柚子茶 +$8
除左普通茶啡，有啲飲品跟餐要加錢，不過個餐咁低食，加幾蚊又有咩所謂🤣
.
呢個價錢，有咁豐富既野食，真係超值😋食緊既時候仲見到好多人就咁外賣燒味，有啲仲已經賣哂，想食靚燒味都要夠快🌝
Search